Heydər Əliyev Fondunun, Azərbaycanın Gürcüstandakı səfirliyinin və M.F.Axundzadə adına Azərbaycan Mədəniyyəti Muzeyinin təşkilatçılığı ilə fevralın 26-da Tbilisidə Xocalı soyqırımına həsr olunmuş sərgi açılıb.
Azərbaycanın Gürcüstandakı səfiri Azər Hüseyn, səfirliyin əməkdaşları, Gürcüstan parlamentinin deputatları, ictimaiyyət nümayəndələri sərgi ilə tanış olublar.
Martın 5-dək davam edəcək sərgidə Xocalı faciəsini əks etdirən fotoşəkillər, Heydər Əliyev Fondunun təşəbbüsü ilə hazırlanmış və səfirliyə təqdim olunmuş kitablar, broşürlər və digər yazılı vəsaitlər nümayiş etdirilir.