239
Qırx dördüncü fəsil
210
Xüsusi ünsür - Qədimdə əsas dörd ünsür olan su, od, torpaq və
havadan əlavə bir də “xüsusi” və ya bəzi hallarda deyildiyi kimi,
“
beşinci ünsürün” olduğunu da qəbul edir və Günəşin məhz bu
“
xüsusi” ünsürdən əmələ gəldiyi ehtimalını irəli sürürdülər.
211
Hicab, hecab - Örtük, pərdə, diafraqma, həya, utanmaq.
212
Əbülqasım Əbulkərim Qüşeyri - Öz əsrinin görkəmli sufi
şeyxlərindən olub, təriqəti şəriətlə yaxınlaşdırmağa səy göstərmiş və
çoxlu miqdarda yazdığı risalələri ilə şöhrət tapmışdır (986-1074).
213
Əbülhəsən əl-Müqəddəsi - sufi alim.
214
Əbu-Mənsur-əd-Dəməşqi - sufi alim.
215
Əbülhəsən Əli ibn Əhməd Vahid Nişapuri - Dövrünün görkəmli
şəriətşünası olmuş, Quranı təfsir etməkdə şöhrət tapmışdır.
216
Əxi Fərrux Zəngani - Beşinci əsr hicri ürəfasının ən məhşurlarından
biridir. 450/1058-59-cu illərdə vəfat etmişdir.
217
Xanqah (Xanəqah) - Dərvişlərin, rindlərin səma (musiqi məclisləri)
üçün toplandıqları yer. Sufiyanə yazılmış Şeirlərdə xanegah həmişə
məscidə qarşı qoyulur.
218
Came - Sufilərin təşkilati, sufi cəmiyyəti nəzərdə tutulur.
219
Kəffarə - Günahı yumaq üçün edilən yaxşılıq, verilən pul, çəkilən
əzab-əziyyət və s.
220
Şibli - Əbubəkr Cəfər ibn Yusif Şibli Xorasani - üçüncü əsr hicri
sufi şeyxlərindən biri (247/861-2-334/945-6). Bağdaddakı məqbərəsi
indi də ziyarətgah sayılır.
221
Mürid - Şeyxlərin, ruhani başçılarının, mürşidlərin ardınca
gedənlər. Mürşidlərin təriqətini davam etdirən şagird.
222
Ərəstu - Aristotel. Məşhur yunan ensiklopedist alim və filosofu
(
e. ə. 384-322).