Abşeron rayonunun Masazır qəsəbəsində 3 nömrəli orta ümumtəhsil məktəbi Heydər Əliyev Fondunun “Yeniləşən Azərbaycana yeni məktəb” proqramı çərçivəsində 2009-cu ildə inşa edilib.
500 şagird yeri olan məktəb üçmərtəbəlidir. 31 sinif otağı olan məktəbdə kompyuter, fənn otaqları, ən müasir avadanlıqlarla təchiz olunmuş kimya, fizika laboratoriyaları vardır. Məktəbin ərazisində futbol və voleybol meydançaları yaradılıb, ətraf ərazidə abadlıq işləri aparılıb və yaşıllaşdırma işləri görülüb.