Vətənpərvərlik insanın daxilindəki duyğulardır. Əgər bunlar yoxdursa, o insan mənəviyyatsızdır.
Heydər Əliyev
Milli Qvardiyanın şəxsi heyəti Heydər Əliyev Fondunda olub
Aprelin 30-da Milli Qvardiyanın şəxsi heyəti Heydər Əliyev Fondunda olmuşdur.
Qonaqlara Azərbaycan xalqının ümummilli liderinin xatirəsinə hörmət əlaməti olaraq yaradılmış Fond və onun məqsədləri haqqında məlumat verildi.
Ulu öndərin şəxsi arxivindən götürülmüş və onun fəaliyyətinin müxtəlif dövrlərini əhatə edən eksponatlar, o cümlədən ümummilli liderin həyatının ayrı-ayrı məqamlarını əks etdirən və Azərbaycan tarixinin bütöv bir dövrü barədə geniş təsəvvür yaradan çoxsaylı fotoşəkillər, xalqımızın görkəmli oğluna həsr edilmiş kitablar maraqla qarşılandı.
Məlumat verildi ki, Heydər Əliyev hələ keçmiş SSRİ hökumətində yüksək vəzifədə olarkən Azərbaycanda hərbi iş sahəsində geniş quruculuq işlərinə xüsusi diqqət yetirmişdir. Məhz ulu öndərin əməyi sayəsində 1971-ci ildə Cəmşid Naxçıvanski adına Hərbi Məktəb fəaliyyətə başlamışdır.
Fondun zəngin ekspozisiyası, həmçinin ulu öndərin Dövlət Təhlükəsizlik Komitəsində çalışarkən çəkdirdiyi şəkillər, hərbi geyimləri şəxsi heyət tərəfindən maraqla qarşılandı.
