“Qaytağı“ instrumental ansamblı fransız tamaşaçıları qarşısında çıxış edib

Heydər Əliyev Fondunun təşkilatçılığı və Azərbaycanın Fransadakı səfirliyinin dəstəyi ilə Parisdə təşkil olunmuş “Azərbaycan şəhərciyi” çərçivəsində sentyabrın 24-də “Azərbaycan Televiziya və Radio Verilişləri” Qapalı Səhmdar Cəmiyyətinin “Qaytağı” instrumental ansamblının konserti olub.

Respublikanın Əməkdar Artisti Ənvər Sadıqovun rəhbərlik etdiyi ansamblın ifasında müxtəlif musiqi nömrələri ifa olunub, Əməkdar Artist Abbas Bağırov fransız tamaşaçıları qarşısında çıxış edib.