114
Hümayun təsnifi
Ey məni sevdası salan çöllərə
Sözləri: Hacı Ələmdar Mahir
Ey məni sevdası salan çöllərə,
Xəstə könül dərdə düçar oldu, gəl.
Fəsli baharda gələrəm söylədin, -2
Ötdü xəzan fəsli bahar oldu gəl,
Rəhm elə dünya mənə dar oldu gəl.
Nəqərat:
Gəldi o gündən ki, bahar, ağlaram,
Şamü səhər leylü nəhar ağlaram.
Müxtəsəri hər gecə zar ağlaram, –2
Sənsiz işim naləvü zar oldu gəl,
Rəhm elə dünya mənə dar oldu gəl.
Yaxdı oda atəşi-hicran məni,
Vəslinə çox qoyma nigaran məni.
Ayrılığın etdi pərişan məni, –2
Qəmli ürək döndü qubar oldu gəl,
Rəhm elə dünya mənə dar oldu gəl.
Nəqərat:
Hardasan, ey sevgili yarım mənim,
Gəl ki, dağılsın bu qubarım mənim.
Mən də deyim, gəldi nigarım mənim, –2
Özgələri yarına yar oldu gəl,
Rəhm elə dünya mənə dar oldu gəl.