![Show Menu](styles/mobile-menu.png)
![Page Background](./../common/page-substrates/page0032.jpg)
Xanəndənin mahnı və təsnifləri yalnız özünün deyil, adlı-sanlı
müğənnilərin də repertuarında mühüm yer tutur. Onun "Ana yur-
dum", "Mənim Azərbaycanım", "Bakı", "Vətən yaxşıdır", "Beləyəm",
"Ürək deyir: "Yaşa hələ!", "Ağarma, saçım", "Sədaqət məni", "Min yaşa-
sın", "Gəl bizə, yar", "Özün bilərsən" mahnıları, "Rast", "Mahur", "Dü-
gah", "Qatar", "Bayatı-Qacar", "Şur", "Segah", "Dəşti", "Bayatı-Şiraz",
"Çahargah" və s. təsnifləri dillər əzbəridir.
Əlibaba Məmmədov vaxtilə təkcə Azərbaycanda deyil, keçmiş Sovet
İttifaqının bir çox respublikalarında konsertlər verərək tamaşaçıların
dərin rəğbətini qazanmışdır. O, nəinki ölkəmizdə, onun hüdudların-
dan çox-çox kənarda da sayılıb-seçilən bir nəğməkardır.
Görkəmli xanəndə 1959 və 1961-ci illərdə Moskvada keçirilən Azər-
baycan Ədəbiyyatı və İncəsənəti Ongünlüklərinin iştirakçısı olmuş,
haqqında dövri mətbuatda, o cümlədən "Pravda" qəzetində dəyərli fi-
kirlər söylənilmişdir. O, həmçinin Azərbaycan SSR Ali Soveti Rəyasət
Heyətinin fəxri fərmanı ilə təltif olunmuşdur.