![Show Menu](styles/mobile-menu.png)
![Page Background](./../common/page-substrates/page0029.jpg)
27
"Bayatı-kürd" muğamının əsas şöbələrindən olan "Dəşti" muğam
ifaçılığı tarixində müstəqil muğam kimi, demək olar, nadir hallarda
oxunub. "Dəşti" muğamından söz düşəndə Əlibaba Məmmədov deyir
ki, "Dəşti"nin "Bayatı-kürd" və "Kürdü" ilə musiqi dili və intonasiya
cəhətdən oxşarlığı var. Buna görə də xanəndə "Dəşti" oxuyarkən son
dərəcə ehtiyatlı olmalıdır.
O zamanlar "Dəşti" musiqi məktəblərində ayrıca muğam kimi ke-
çirilmirdi. Əlibaba müəllimin əmisi Güləhməd bir gün sözarası Seyid
Şuşinskinin gözəl "Dəşti" oxumasını söyləyir. Gənc müğənninin qəl-
bində bu muğamı müəllimindən öyrənib oxumaq istəyi baş qaldırır.
İstəyini ustadına yetirir. Ağa tələbəsinin sözünü yerə salmayıb onun
üçün "Dəşti" muğamını oxuyur ki, bacarırsa yadında saxlasın. Əlibaba
Məmmədov da muğamı yadından çıxartmamaq üçün ürəyində dönə-
dönə oxuyur, hətta yaddaşına etibar etməyib oxuyub maqnitofona da
yazdırır. Bundan sonra o, muğamın üzərində yorulmadan işləyir.