Yaradıcılığı və pedaqoji fəaliyyəti ilə milli musiqi xəzinəmizin zən-
ginləşdirilməsində böyük rolu olmuş ustad sənətkarın xidmətləri hər
zaman xalqımız və dövlətimiz tərəfindən yüksək qiymətləndirilib. O,
respublikanın Əməkdar və Xalq artisti fəxri adlarına layiq görülüb,
bir sıra fəxri fərmanlarla, "SSRİ mədəniyyət əlaçısı" fəxri döş nişanı
ilə təltif olunub. Ustad sənətkarın 60, 70, 80 illik yubileyləri təntənəli
surətdə qeyd olunub.
Azərbaycan Respublikasının Prezidenti Heydər Əliyevin 4 fevral
2000-ci il tarixli fərmanı ilə Əlibaba Məmmədov 70 illik yubileyi ərəfə-
sində "Şohrət" ordeni ilə təltif edilib. 2010-cu ildə Azərbaycan Respub-
likasının Prezidenti İlham Əliyev ustad sənətkarı "İstiqlal" ordeni ilə
təltif edib. O, Azərbaycan Respublikası Prezidentinin fərdi təqaüdçü-
südür.
10 may 2009-cu ildə qədim muğam irsinin qorunmasında, muğam
ifaçılıq məktəbinin inkişafında, yeni ifaçılar nəslinin yetişməsindəki
xidmətlərinə görə Xalq artisti Əlibaba Məmmədov Heydər Əliyev Fon-
dunun təsis etdiyi "Qızıl çinar" beynəlxalq mükafatına layiq görülüb.