Moldovanın sabiq prezidenti Petru Luçinski Heydər Əliyev Fondunda olub

Azərbaycanda səfərdə olan Moldovanın sabiq prezidenti Petru Luçinski mayın 26-da Heydər Əliyev Fondunda olmuşdur.

Moldovalı qonağa Azərbaycan xalqının ümummilli lideri Heydər Əliyevin xatirəsinə yaradılmış Fondun məqsədi və fəaliyyəti barədə ətraflı məlumat verilmişdir.

Bildirilmişdir ki, Fond ulu öndər Heydər Əliyevin zəngin irsini öyrənir və təbliğ edir, müxtəlif sosial–iqtisadi, humanitar layihələr həyata keçirməklə Azərbaycanın tərəqqisinə, mədəniyyətinin inkişafına və tarixinin öyrənilməsinə kömək göstərir.

Moldovanın sabiq prezidenti Fondla tanışlıqdan sonra xatirə kitabına ürək sözlərini yazmışdır.