2010-cu ilin noyabr ayında Heydər Əliyev Fondu, Azərbaycan Respublikasının Böyük Britaniyadakı Səfirliyi və “Baku” jurnalının birgə təşkilatçılığı ilə Londonda Azərbaycan xalçalarının “Azərbaycan xalçaları ilə nağıllar aləminə” adlı sərgisi keçirilib. Sərgidə coğrafi mövqeyinə, naxış kompozisiyasına, rəng həlli və texniki xüsusiyyətlərinə görə Azərbaycan xalçaçılıq məktəbinin bütün istiqamətləri təmsil olunub.
Sərgi çərçivəsində Heydər Əliyev Fondu tərəfindən hazırlanmış “Azərbaycan” nəşrinin ingilis dilində təqdimatı keçirilib.
Tədbirdə qonaqlara Azərbaycan milli mətbəxi təqdim olunub.