“San-Remo festivalının ulduzları Bakıda” konserti

2013-cü il dekabrın 18-də “Baku Crystal Hall”da İtaliya estradasının əfsanəvi ifaçıları “San-Remo festivalının ulduzları Bakıda” adlı konsert proqramı ilə çıxış ediblər.

Heydər Əliyev Fondunun dəstəyi ilə keçirilən konsertdə XX əsrin 80-ci illərində San-Remo şəhərində keçirilən İtaliya mahnıları festivalının əfsanəvi ulduzları - Al Bano, Toto Kutunyo, Pupo, Rikkardo Foli, Toni Espozito, Umberto Totsi, Mariya Fiordalizo, İvan Spaqn, eləcə də məşhur “Rikki e Poveri”, “Matia Bazar” qrupları çıxış ediblər.

Konsertdə əfsanəvi Toto Kutunyo Azərbaycanın xalq mahnısı “Sarı gəlin”i Azərbaycan dilində ifa edib.

Konserti İtaliyanın dünya şöhrətli aktrisası Ornella Muti və Tural Əsədov aparıblar.