2013-cü il iyunun 14-də Fransanın Bove şəhərində Heydər Əliyev Fondunun təşkilatçılığı və Azərbaycanın Fransadakı səfirliyinin dəstəyi ilə “Qafqazın mirvarisi olan Azərbaycanın mədəni dəyərləri” layihəsi çərçivəsində sərgi və konsert təşkil olunub.
Sərgidə xalqımızın tarixi, mədəni dəyərlərini əks etdirən eksponatlar nümayiş olunub. Sərgiyə gələnlərə Heydər Əliyev Fondunun Azərbaycan haqqında nəşrləri paylanıb.
“Bakustik “ qrupunun və “ Muğam” instrumental ansamblının ifasında Azərbaycan xalq və bəstəkar mahnıları səsləndirilib.
Bovedə keçirilən Azərbaycan günlərinin şərəfinə şəhərin mərkəzindəki kafedralın fasadında lazer şou göstərilib.