Gəncə şəhərindəki 2 nömrəli körpələr evi-uşaq bağçası Heydər Əliyev Fondunun təşəbbüsü ilə “Məktəbəqədər təhsil müəssisələrinin inkişafı” proqramı çərçivəsində inşa edilib. 2014-cü il oktyabrın 18-də Azərbaycan Respublikasının Prezidenti İlham Əliyev və xanımı Mehriban Əliyeva körpələr evi-uşaq bağçasının açılışında iştirak ediblər.
Bina ikimərtəbədən ibarətdir. Müəssisə lazımi avadanlıqla təchiz olunub. Bağçanın həyətində attraksionlar quraşdırılıb, yaşıllıq zolaqları salınıb.
Bağçada 7 qrup fəaliyyət göstərir. Qruplarda təlim-tərbiyə işləri Azərbaycan və rus dillərində aparılır.