Ağcabədi şəhərində 4 nömrəli körpələr evi-uşaq bağçası

Ağcabədi şəhərində yerləşən 4 nömrəli körpələr evi-uşaq bağçası Heydər Əliyev Fondunun “Məktəbəqədər təhsil müəssisələrinin inkişafı” proqramı çərçivəsində inşa edilib. 2017-ci il noyabrın 28-də Azərbaycan Respublikasının Prezidenti İlham Əliyev təhsil müəssisəsinin açılışında iştirak edib.

Üçmərtəbəli körpələr evi-uşaq bağçası 100 yerlikdir. Müəssisə zəruri avadanlıqla təchiz edilib.

Təhsil müəssisəsinin həyətində balacalar üçün maraqlı attraksionlar quraşdırılıb, yaşıllıq zolağı salınıb.