Reyms şəhərinin meri xanım Adelin Hazan ilə görüş

Oktyabrın 19-da Azərbaycanın birinci xanımı, Heydər Əliyev Fondunun prezidenti Mehriban Əliyeva Reyms şəhərinin meri xanım Adelin Hazan ilə görüşüb.

Mehriban Əliyeva Reymsdə Azərbaycan ilə bağlı mədəniyyət tədbirlərinin keçirilməsinə verdiyi dəstəyə görə şəhər merinə təşəkkürünü bildirdi, bu cür tədbirlərin gələcəkdə Fransanın bir çox şəhərlərində baş tutacağını diqqətə çatdırdı.

Adelin Hazan da Azərbaycan mədəniyyətinin təbliğinə yönələn tədbirlərin maraqla qarşılandığını vurğuladı, budəfəki sərgi və konsertin də yüksək səviyyədə keçəcəyinə ümidvar olduğunu qeyd etdi.

Mehriban Əliyeva meriyanın fəxri qonaqlar kitabına ürək sözlərini yazdı və xatirə şəkli çəkdirdi.