Heydər Əliyev Fondunun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyeva Qanlı Yanvar faciəsində həlak olanların əziz xatirəsini anmaq üçün yanvarın 20-də Şəhidlər xiyabanını ziyarət etmişdir.
Azərbaycanın birinci xanımı ölkəmizin müstəqilliyi, torpaqlarımızın bütövlüyü uğrunda canlarını qurban vermiş mərd mübarizlərin məzarları üzərinə al qərənfillər düzdü, şəhidlərə Allahdan rəhmət dilədi.