Noyabrın 4-də Azərbaycan Respublikasının Prezidenti İlham Əliyev Heydər Əliyev Fondunun təşəbbüsü ilə Zaqatala şəhərində inşa edilmiş “Qızılgül” körpələr evi-uşaq bağçasının açılışında iştirak edib.
Ümumi sahəsi 1280 kvadratmetr olan ikimərtəbəli bina 100 uşaq üçün nəzərdə tutulub. Körpələr evi-uşaq bağçasında 5 qrup fəaliyyət göstərəcək, 28 pedaqoji işçi çalışacaq. Burada 1 yaşdan 6 yaşadək uşaqların təlim-tərbiyəsi ilə məşğul olmaq üçün hərtərəfli şərait yaradılıb. Binada müəllimlər, tibb, qəbul, yataq, kompyuter otaqları, idman, oyun, musiqi zalları var.
Körpələr evi-uşaq bağçasında uşaqların istirahəti və əyləncəsi üçün geniş imkanlar yaradılıb. Bütün otaqlar lazımi avadanlıqla təchiz edilib.
Binada havalandırma sistemi, çamaşırxana, transformator yarımstansiyası, nasosxana var. Ərazidə geniş yaşıllıq zolağı salınıb.