Heydər Əliyev Fondunun prezidenti Mehriban Əliyeva Buzovna qəsəbəsində 340 nömrəli körpələr evi-uşaq bağçasının açılışında iştirak edib

Noyabrın 23-də Bakı şəhəri Xəzər rayonunun Buzovna qəsəbəsinin Albalılıq yaşayış massivində Heydər Əliyev Fondunun təşəbbüsü və dəstəyi ilə inşa edilən 340 nömrəli körpələr evi-uşaq bağçası istifadəyə verilib.

Azərbaycanın birinci xanımı, Heydər Əliyev Fondunun prezidenti Mehriban Əliyeva körpələr evi-uşaq bağçasının açılışında iştirak edib.

Heydər Əliyev Fondunun “Məktəbəqədər təhsil müəssisələrinin inkişafı” proqramı çərçivəsində inşa edilən körpələr evi-uşaq bağçası ikimərtəbəlidir. Müəssisə zəruri avadanlıqla təchiz edilib, hovuz, musiqi otağı, idman zalları yaradılıb, bağçanın həyətində yaşıllıqlar salınıb, əyləncə vasitələri quraşdırılıb.

10 qrupdan ibarət bağçada 200 uşağa qayğı göstəriləcək.