bp əməkdaşlığa dəstəyə görə Heydər Əliyev Fonduna mükafat verib

bp şirkəti əməkdaşlığın inkişafında göstərilən dəstəyə görə Heydər Əliyev Fonduna mükafat təqdim edib.

bp-nin Azərbaycan, Gürcüstan və Türkiyə üzrə regional prezidenti Qəri Counz Heydər Əliyev Fondunun icraçı direktoru Anar Ələkbərovla görüşdə Fond ilə bir sıra uğurlu layihələrin həyata keçirildiyini xatırladıb. Ötən müddətdə bp və Heydər Əliyev Fondu səhiyyə, sosial, təhsil sahələrində, Azərbaycan tarixi və mədəniyyətinin təqdimatı üzrə bir sıra layihələr həyata keçirib.