Heydər Əliyev Fondu Qaradağ rayonunda körpələr evi-uşaq bağçasını bərpa etdi

Heydər Əliyev Fondunun məktəbəqədər təhsil müəssisələrinin inkişafı sahəsindəki fəaliyyəti çərçivəsində növbəti layihə Qaradağrayonunda həyata keçirilib.

Rayondakı 286 saylı körpələr evi-uşaq bağçası 1980-ci illərdə inşa olunmuşdur. Uzunmüddətli istismar nəticəsində binanın yükdaşıyan konstruksiyaları köhnəlmiş və istifadəyə yarasız vəziyyətə düşmüşdür.

Heydər Əliyev Fondu tərəfindən binada təmir-bərpa işləri həyata keçirilib və bağçanın 120 yerlik yeni binası artıq istifadəyə verilib.

Burada uşaqlar üçün yataq və oyun otaqları, akt zalı, mətbəx, tibb otağı və digər inzibati və texniki otaqlar mövcuddur.

Müəssisə zəruri mebel və avadanlıqlarla tam təchiz edilib.

Bağçanın həyətyanı ərazisində yenidənqurma və yaşıllaşdırma işləri aparılıb, uşaq əyləncə qurğuları yaradılıb, qruplar üçün söhbətgahlar inşa edilib.