Şəki şəhərində yerləşən körpələr evi-uşaq bağçası Heydər Əliyev Fondunun təşəbbüsü ilə “Məktəbəqədər təhsil müəssisələrinin inkişafı” proqramı çərçivəsində inşa edilib. Tikinti işlərinə 2014-cü ilin dekabrında başlanılıb. 2015-ci il noyabrın 4-də Azərbaycan Respublikasının Prezidenti İlham Əliyev körpələr evi-uşaq bağçasının açılışında iştirak edib.
Ümumi sahəsi 3490 kvadratmetr olan bina üçmərtəbəlidir. 160 yerlik körpələr evi-uşaq bağçasında 8 qrup fəaliyyət göstərir. Müəssisədə 8 yataq otağı, yeməkxana, tibb otağı, oyun və musiqi zalı, metodiki kabinet və digər müxtəlif təyinatlı otaqlar yaradılıb. Bağçanın həyətində uşaqların əylənməsi üçün meydança yaradılıb, attraksionlar quraşdırılıb.