Zirə qəsəbəsində uşaq bağçası

Heydər Əliyev Fondu “Təhsilə dəstək” layihəsi çərçivəsində Zirə qəsəbəsində yeni uşaq bağçası inşa edib. Heydər Əliyev Fondunun prezidenti Mehriban Əliyeva 2011-ci il oktyabrın 19-da bağçanın açılışında iştirak edib.

1655 kvadratmetr ərazini əhatə edən bağçada oyun və idman zalı, musiqi otağı, yeməkxana vardır. Həyətdə uşaqlar üçün oyun meydançası yaradılıb.

120 yerlik uşaq bağçasında 3-6 yaş arası uşaqlardan ibarət 4 qrup fəaliyyət göstərir.

Bağça mərkəzləşdirilmiş kamera-nəzarət sistemi ilə təchiz olunub.