Biləsuvarda Bəydili kənd tam orta məktəbi

Biləsuvar rayonunda yerləşən Bəydili kənd tam orta məktəbinin yeni binası Heydər Əliyev Fondu tərəfindən inşa edilib.

Məktəbin 1983-cü ildə inşa olunmuş binası ötən müddət ərzində istifadəyə yararsız vəziyyətə düşüb. Buna görə Bəydili kənd orta məktəbi üçün yeni bina inşa olunub.

Yeddi korpusdan ibarət bina1400 şagird yerlikdir. Burada 56 sinif otağı, fizika, kimya, biologiya laboratoriyaları, informatika, hərbi, tibb və əmək təlimi otaqları yaradılıb. Məktəbdə, həmçinin akt zalı, idman zalı və açıq idman meydançası inşa edilib. Təhsil müəssisəsi zəruri mebel və avadanlıqlarla, fənn kabinetləri və laboratoriyalar əyani vəsaitlərlə təchiz edilib.