İmişlidə Aranlı kənd 1 saylı tam orta məktəbi

İmişli rayonunda yerləşən Aranlı kənd 1 saylı tam orta məktəbinin yeni binası Heydər Əliyev Fondu tərəfindən inşa olunub.

1972-ci ildə inşa olunmuş Aranlı kənd 1 saylı tam orta məktəbi ötən müddət ərzində istifadəyə yararsız vəziyyətə düşmüşdü. Bu səbəbdən məktəb üçün 624 şagird yerlik yeni bina inşa olunub.

Bina 3 mərtəbəlidir və 4 korpusdan ibarətdir. Burada 29 sinif otağı, fizika, kimya, biologiya laboratoriyaları, informatika otağı, hərbi təlim otağı, tibb otağı, əmək təlimi otaqları, kitabxana, yeməkxana, akt zalı, idman zalı və açıq idman meydançası var. Müəssisə zəruri mebel və avadanlıqlarla, fənn kabinetləri və laboratoriyalar əyani vəsaitlərlə tam təchiz edilib.

Məktəbin həyətyanı ərazisində abadlıq və yaşıllaşdırma işləri aparılıb.