Xaçmazın İstisu qəsəbəsində məktəb

Xaçmaz rayonunun İstisu qəsəbəsində yerləşən məktəbin yeni binası Heydər Əliyev Fondu tərəfindən inşa olunub.

Xaçmaz rayonunun İstisu qəsəbəsində 1938-ci ildə inşa olunmuş tam orta məktəb ötən müddət ərzində istifadəyə yararsız vəziyyətə düşmüşdü. Yeni məktəbin inşası ilə bağlı 2024-cü ilin əvvəlində başlanılan tikinti işləri yekunlaşıb və təhsil müəssisəsi istifadəyə verilib.

3 mərtəbəli məktəb 2 korpusdan ibarətdir. 320 şagird yerlik olan təhsil ocağı zəruri mebel və avadanlıqla, fənn kabinetləri - fizika, kimya, biologiya, kompüter, hərbi hazırlıq, tibb, əmək təlimi otaqları və laboratoriyalar isə əyani vəsaitlərlə təchiz edilib. Burada həmçinin kitabxana, akt və idman zalları, açıq idman meydançası yaradılıb.

Məktəbin həyətyanı ərazisində abadlıq və yaşıllaşdırma işləri aparılıb.