Dövlət, ölkə nə qədər çox xalqı birləşdirsə, bir o qədər zəngin olur, çünki onların hər biri ümumdünya mədəniyyətinə və sivilizasiyasına öz töhfəsini verir.
Heydər Əliyev
Şamaxının Bağırlı kəndində məktəb
Şamaxı rayonu Bağırlı kənd tam orta məktəbinin yeni binası Heydər Əliyev Fondu tərəfindən inşa olunub.
1988-ci ildə inşa olunmuş Şamaxı rayonu F.Şıxəliyev adına Bağırlı kənd tam orta məktəb ötən müddət ərzində köhnəlmiş və istifadəyə yararsız vəziyyətə düşmüşdü. Bu səbəbdən təhsil ocağı üçün yeni bina inşa edilib.
Təhsil müəssisəsi 460 şagird yerlikdir. 3 korpusdan ibarət 2 mərtəbəli binada 21 sinif otağı, fizika, kimya, biologiya laboratoriyaları, informatika otağı, hərbi təlim və tibb otaqları, əmək təlimi otaqları, qarderob, kitabxana, yeməkxana, akt və idman zalları, açıq idman meydançası var.
Məktəbin ərazisində abadlıq və yaşıllaşdırma işləri görülüb.
