Saatlıda Ömər Faiq Nemanzadə adına Günəşli kənd ümumi orta məktəbi

Saatlı rayonunda yerləşən Ömər Faiq Nemanzadə adına Günəşli kənd ümumi orta məktəbinin yeni binası Heydər Əliyev Fondu tərəfindən inşa olunub.

Ömər Faiq Nemanzadə adına Günəşli kənd ümumi orta məktəbi 1994-cü ildə ibtidai məktəb kimi fəaliyyətə başlayib. Ötən müddətdə bina istifadəyə yararsız vəziyyətə düşdüyündən burada yeni məktəb binası inşa olunub. 

Təhsil müəssisəsi 3 mərtəbəlidir və 4 korpusdan ibarətdir. Burada 17 sinif otağı, fizika, kimya, biologiya laboratoriyaları, informatika otağı, hərbi təlim otağı, tibb otağı, əmək təlimi otaqları, kitabxana, yeməkxana, akt zalı, idman zalı və açıq idman meydançası yaradılıb. Müəssisə zəruri mebel və avadanlıqlarla, fənn kabinetləri və laboratoriyalar əyani vəsaitlərlə tam təchiz edilib.

Məktəbin həyətyanı ərazisində abadlıq və yaşıllaşdırma işləri aparılıb.