Buzovna qəsəbəsində 1 saylı psixonevroloji sosial xidmət müəssisəsi

  • Layihə
  • Foto


Paytaxtın Buzovna qəsəbəsindəki 1 saylı psixonevroloji sosial xidmət müəssisəsinin binası Heydər Əliyev Fondu tərəfindən əsaslı surətdə yenidənqurulub. 2019-cu il fevralın 15-də Heydər Əliyev Fondunun vitse-prezidenti Leyla Əliyeva müəssisənin açılışında iştirak edib.

 

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 1 saylı psixonevroloji sosial xidmət müəssisəsi 1974-cü ildə yaradılıb. 2018-ci ildən başlayaraq bu müəssisədə əsaslı yenidənqurma işləri aparılıb.

 

217 çarpayılıq müəssisədə akt zalı, kinoteatr, kitabxana, arxiv, sakinlərin qidalanması üçün yeməkxanalar, eləcə də mərkəzləşmiş mətbəx, asudə vaxtın təşkili və istirahət guşələri, izolyasiya və tibb otaqları yaradılıb, mebel və avadanlıqlarla təchiz edilib. Müəssisə əlilliyi olan şəxsləri qəbul edərək münasib yaşayış şəraiti ilə təmin etmək, abilitasiya və reabilitasiya xidmətlərini həyata keçirmək üzrə fəaliyyət göstərir. Buraya sosial xidmətə ehtiyacı olan psixotik simptomatika mərhələsinə çatmayan şəxslər qəbul edilir.

 

Müəssisənin həyətində abadlıq işləri aparılıb, ərazi yaşıllaşdırılıb, müxtəlif növ ağaclar əkilib, istirahət guşələri yaradılıb.



002.JPG
007.JPG
008.JPG
009.JPG
010.JPG
011.JPG
012.JPG