Yeni il şənlikləri – 2022

Heydər Əliyev Fondu hər il Azərbaycanda fəaliyyət göstərən yerli uşaq təşkilatlarının kollektivləri, orta məktəblərdə təhsildə xüsusilə fərqlənən, sağlamlıq imkanları məhdud olan, uşaq evlərində və internat məktəblərində tərbiyə alan, şəhid, qaçqın və məcburi köçkün ailələrindən olan uşaqlar üçün Yeni il şənlikləri keçirir.

COVID-19 pandemiyası ilə əlaqədar çox sayda insanın bir yerə toplaşması karantin rejiminin qaydalarına uyğun olmadığından, Fondun əməkdaşları bayram ərəfəsində paytaxt Bakı və regionlarda uşaq evləri və internat məktəbləri, həmçinin sosial xidmət müəssisələrində olaraq Fondun prezidenti Mehriban Əliyevanın təbrikini, müxtəlif oyuncaqlar və şirniyyatlardan hazırlanan bayram sovqatlarını çatdırıb.