Hər bir insan həyatda öz yerini tapmalıdır. Amma öz yerini, özünə məxsus olan yerini tapmalıdır.
Heydər Əliyev
Uşaq festivalı – 2024
Heydər Əliyev Fondunun, Heydər Əliyev Mərkəzinin, Elm və Təhsil Nazirliyinin təşkilatçılığı ilə “Uşaq festivalı” keçirilib.
Heydər Əliyev Mərkəzinin parkında keçirilən festivalda Vətən uğrunda şəhid olan qəhrəmanlarımızın övladları, Bakıdakı uşaq evlərinin sakinləri, Daun sindromlu uşaqlar da iştirak ediblər.
Festival zamanı parkın ərazisi mövzular və əyləncə növləri üzrə zonalara bölünüb. Burada bir-birindən maraqlı və fərqli əyləncələr, maarifləndirici proqramlar təqdim olunub. Müxtəlif yaş kateqoriyalarındakı uşaqlar maraq dairələrinə uyğun əyləncə seçib asudə vaxtlarını səmərəli keçirib, istedadlarını nümayiş etdiriblər.
