Məktəblilərin dünyagörüşünün genişləndirilməsi

Məktəblilərin dünyagörüşünü genişləndirmək, onların təhsil və elmə marağını artırmaq məqsədi ilə Heydər Əliyev Fondu mütəmadi olaraq təhsildə xüsusilə fərqlənən, müxtəlif müsabiqələrdə qələbə qazanan, yetim və valideyn himayəsindən məhrum olmuş məktəblilərin dünyanın müxtəlif ölkələrinə səfərlərini təşkil edir, həmçinin digər ölkələrdən olan uşaqların Azərbaycana gəlməsinə və ölkəmizin tarixi, zəngin mədəniyyəti ilə tanış olmasına geniş imkan yaradır.

Layihə çərçivəsində azərbaycanlı məktəblilərin Almaniya, Belçika Krallığı, Fransa, Gürcüstan, Niderland Krallığı və Rumıniyaya, Gürcüstan, Rumıniya və Rusiya Federasiyasından olan məktəblilərin isə Azərbaycana səfərləri təşkil olunub.