Evianda “Qafqazın mirvarisi olan Azərbaycanın mədəni dəyərləri” layihəsi çərçivəsində sərgi və konsert
2013-cü il mayın 6-da Fransanın Evian şəhərində Heydər Əliyev Fondunun təşkilatçılığı və Azərbaycanın Fransadakı səfirliyinin dəstəyi ilə “Qafqazın mirvarisi olan Azərbaycanın mədəni dəyərləri” layihəsi çərçivəsində sərgi və konsert təşkil olunub.
Evianın Festivallar sarayının Sütunlar zalında təşkil olunmuş sərgidə xalqımızın tarixi, mədəni dəyərlərini əks etdirən eksponatlar nümayiş olunub. Sərgiyə gələnlərə Heydər Əliyev Fondunun Azərbaycan haqqında nəşrləri paylanıb.
Sonda “Bakustik jazz” qrupunun konserti olub.
Sərgi mayın 10-dək davam edib.
