Müasir İncəsənət Muzeyi

2009-cu ilin martında Fondun təşəbbüsü ilə Bakıda Müasir İncəsənət Muzeyi açılıb.

Muzeyin binası modern üslubda, avanqard dizaynla inşa edilib, ekspozisiyası müasir işıqlandırma, havalandırma və başqa sistemlərlə təchiz olunub.

Muzeydə Azərbaycanın gənc, avanqard üslubda işləyən rəssam və heykəltəraşlarının 800-dən çox işi toplanıb. Burada, həmçinin Azərbaycanın xalq rəssamlarının əsərləri, rəngkar və heykəltəraşların işləri də sərgilənir. Muzeyin Qərbi Avropa incəsənəti salonunda isə dünya klassiklərinin rəsm əsərləri və əl işləri nümayiş etdirilir.

2011-ci ilin aprel ayında Parisdə Müasir İncəsənət Muzeyi eksponatlarının sərgisi keçirilib.