“Xarıbülbül” VIII Beynəlxalq Musiqi Festivalı

Heydər Əliyev Fondu və Mədəniyyət Nazirliyinin təşkilatçılığı ilə 24-25 may 2025-ci il tarixdə Şuşada “Xarıbülbül” VIII Beynəlxalq Musiqi Festivalı keçirilib.

Festival dahi bəstəkar Üzeyir Hacıbəylinin anadan olmasının 140-cı ildönümünə həsr olunub. Festivalda yerli incəsənət xadimləri ilə yanaşı, digər ölkələrdən də musiqi kollektivləri və solo ifaçılar iştirak ediblər.

Festival günlərində Azərbaycan, Qazaxıstan, Qırğızıstan və Türkiyənin incəsənət xadimləri çıxış ediblər, Üzeyir Hacıbəylinin felyetonlarından ilhamlanaraq hazırlanan teatr tamaşası nümayiş olunub.