Vətənpərvərlik insanın daxilindəki duyğulardır. Əgər bunlar yoxdursa, o insan mənəviyyatsızdır.
Heydər Əliyev
Üçüncü Nəsimi - şeir, mənəviyyat və incəsənət festivalı
23-25 sentyabr 2025-ci ildə Heydər Əliyev Fondu və Mədəniyyət Nazirliyinin təşkilatçılığı, ICESCO-nun tərəfdaşlığı ilə Nəsimi - şeir, mənəviyyat və incəsənət festivalı keçirilib.
Festival sentyabrın 23-də və 25-də Bakının bir sıra mədəniyyət ocaqlarını, o cümlədən Heydər Əliyev Mərkəzini, İçərişəhəri, Atəşgah məbədini əhatə edib. Festival günlərində müxtəlif ölkələrdən alimlərin iştirakı ilə beynəlxalq konfrans, Nəsimi yaradıcılığına dair elmi sessiyalar, müzakirələr, sərgilərin təşkili, tamaşaların nümayişi, əbədi-bədii gecə, musiqi təqdimatları keçirilib.
Sentyabrın 24-də isə festival Şamaxıda davam edib. İlk dəfə olaraq Nəsimi Bağları Kompleksində təşkil edilmiş festival bu ərazinin müxtəlif məkanlarını əhatə edib. Burada tanınmış və sevilən xanəndələr, vokalçılar, qiraətçilərin iştirakı ilə Nəsimi yaradıcılığına həsr olunan bədii proqram, o cümlədən balet, açıq səma altında “Multidissipilinar incəsənət festivalı”, ustad dərsləri, konsert təqdim edilib.
Festival mədəniyyətlər və nəsillər arasında yaradıcı dialoqu təşviq etməyi hədəfləyir. Həmçinin müasir incəsənət nümayəndələrinin Nəsiminin dərin irsi ilə əlaqə qurması, ənənəvi və müasir bədii təcrübələr arasında körpü yaratması üçün bir platforma rolunu oynayır.
