Mədəniyyət Nazirliyinin tabeliyində olan musiqi məktəbləri üçün musiqi alətləri

Heydər Əliyev Fondunun dəstəyi ilə Mədəniyyət Nazirliyinin tabeliyində olan musiqi məktəbləri üçün musiqi alətləri alınıb.

Layihə çərçivəsində Bakı ilə yanaşı, regionlardakı bir sıra musiqi məktəbləri üçün 11 adda 70-dən çox musiqi aləti alınıb. Bunların sırasında tar, kamança, qanun, nağara kimi milli alətlərlə yanaşı, skripka, violonçel, royal, pianino və digərləri yer alıb. Bu musiqi alətləri həm yerli ustaların əl işləri, həm də musiqi alətlərinin istehsalı sahəsində dünyanın aparıcı ölkələrindən sifariş olunan nümunələrdir.