![Show Menu](styles/mobile-menu.png)
![Page Background](./../common/page-substrates/page0023.jpg)
21
Əlibaba Məmmədov artıq filarmoniyanın solisti idi. O, konsertlər
verirdi, toylara da gedirdi, amma daxilən hiss edirdi ki, yaxşı, savadlı
xanəndə olmaq üçün təhsil almaq çox vacibdir. Təsadüfən bir toyda
onun "Rast"ına qulaq asan bəstəkar-tarzən Adil Gəray ona yaxınlaşıb
soruşur:
- Sən niyə gəlib musiqi texnikumunda oxumursan?
Əlibaba Məmmədov da cavab verir ki, musiqi məktəbində oxumaq
barədə fikirləşir.
A. Zeynallı adına Bakı Orta İxtisas Musiqi Məktəbində şöbə müdiri
işləyən Adil Gəray ona deyir ki, sentyabr ayında imtahana gəlsin.
O, 1953-cü ilin sentyabr ayında sənədlərini A. Zeynallı adına Bakı
Orta İxtisas Musiqi Məktəbinə verdi. İmtahanı görkəmli muğam bi-
liciləri – Seyid Şuşinski, Əhmədxan Bakıxanov, Adil Gəray və Kamil
Əhmədov götürürdülər. Əlibaba Məmmədov imtahanda "Rast" mu-
ğamını ifa etdi. Onun haqqında ilk və son sözü də Xalq artisti, ustad
xanəndəmiz Seyid Şuşinski söylədi:
- Bala, sabah dərsə gələrsən.
Bu, o demək idi ki, Əlibabanın səsi və ifası ustad sənətkarın xoşuna
gəlmişdi. Seyid Şuşinskinin bu çağırışı gənc müğənninin gələcəyinə
böyük etimad idi. O, göstərilən bu etimadı doğrultmalı idi. Beləliklə,
Əlibaba Məmmədov hamının "Ağa" deyə müraciət etdiyi Seyid Şu-
şinskinin muğam sinfində oxudu və ustaddan muğamların sirlərini
öyrəndi. Ağanın o dövrdə 17 tələbəsi var idi. Əlibaba Məmmədov bu
tələbələrin arasında öz fitri istedadı, musiqi yaddaşı, qavrama qabiliy-
yətinə görə seçilirdi.
Seyid Şuşins�i