13
İlk aylardan işlədiyi mədəndə hörmət qazana bildi. İşləri qayda-
sında gedirdi, yaxşı məvacib alırdı və qazandığı puldan hər ay ana-
sına da göndərirdi. Mədənin rəhbərliyi məvacibini saxlamaq şərti ilə
Əlibabaya Aşqabada gedib ali təhsil almağı təklif etdi. Bu təklif onun
ürəyincə idi, dörd il oxuyub ali təhsil alacaqdı. O, bu barədə anasına
məktub yazıb onun razılığını da almışdı. Lakin Aşqabadda baş verən
dağıdıcı zəlzələ hər şeyi alt-üst etdi. Beləliklə də Əlibabanın ali təhsil
almaq, yüksəkixtisaslı neftçi olmaq istəyi baş tutmadı. Bu hadisədən
sonra Əlibaba Vətənə döndü. Düşünürdü ki, neft mədənlərinin birində
işləyəcək, ancaq bir də gözünü açıb özünü incəsənət aləmində gördü.
O, musiqi dəstələrindən birinə qoşularaq toylara getməyə başladı. Bir
neçə il nağara ifaçısı kimi çalışdı, sonra o zamanlar çox dəbdə olan
klarnet alətində ifa etməyə başladı. O toylarda Əlibabanın qəlbində
ancaq özünün eşidə biləcəyi bir SƏS də elə hey oxuyurdu. Nəğmə ilə
yüklənmiş bu SƏS artıq qəfəsinə sığmırdı, azadlığa can atırdı.