273
Şıxlar - Quba qəzasında kənd, Müşkür polis nahiyəsinin Qıraqlı
cəmiyyətinə daxil idi, talana məruz qalıb. Hazırda Xaçmaz
rayonunun Qımılqışlaq kənd inzibati-ərazi dairəsinə daxildir.
Şirvan - Cənubi Qafqazda, Xəzər dənizinin qərb sahilində tarixi
vilayət və dövlət, şimalda Dərbənddən başlayaraq cənubda
Kür çayının deltasına qədərki sahədə yerləşirdi. Hazırda
Azərbaycanın ərazisinin bir hissəsi. 799-1538-ci illərdə Şirvan
bir neçə şirvanşahlar sülaləsi tərəfindən idarə olunub. Paytaxtı
– Şamaxı şəhəri. 1948-ci ildə Şirvanın ərazisində Şirvan
(Şamaxı) xanlığı yaranıb, 1813-cü ildə Gülüstan müqaviləsinə
əsasən Rusiya imperiyasının tərkibinə daxil edilib və əyalətə
çevrilib. 1840-cı ildə qəza qismində yeni təşkil olunmuş
Xəzər vilayətinə daxil edilib, 1846-cı ildə Şamaxı şəhəri
paytaxt olmaqla eyniadlı quberniyaya çevrilib. 1859-cu ilin
mayında baş verən zəlzələdən sonra quberniyanın paytaxtı
Bakı şəhərinə köçürülərək Bakı quberniyası adlandırılıb.
Şamaxı qəza qismində Bakı quberniyası tərkibində qalıb.
1930-cu ilin avqustunda Şamaxı qəzası eyniadlı rayona çev-
rilib. Hazırda – Azərbaycan Respublikasında rayon. 2009-cu
ildə qədim Şirvanın Ərəbşahverdili (sonradan – Zubrovka)
kəndi ərazisində 1954-cü ildə yaradılmış Əlibayramlı şəhəri
Şirvan adlandırılmışdır.
Şollar - Quba qəzasında kənd, Müşkür polis nahiyəsinin Xudat
cəmiyyətinə daxil idi, talana məruz qalıb. Hazırda Xaçmaz
rayonunun Susayqışlaq kənd inzibati-ərazi dairəsinə da-
xildir.
Tahircal (Yeni Tarcal) - Quba qəzasında kənd, Qusar polis nahiyəsinin eyniadlı
cəmiyyətinə daxil idi, talana məruz qalmayıb. Əhali silahla
müdafiə olunub, bəzi sakinləri Quba şəhərində öldürülüb.
Hazırda Qusar rayonunun Samur qəsəbə inzibati-ərazi
dairəsinə daxildir.
Talabi - Quba qəzasında kənd, Rustov polis nahiyəsinin eyniadlı
cəmiyyətinə daxil idi, talana məruz qalıb. Hazırda Quba
rayonunun Talabiqışlaqkənd inzibati-ərazi dairəsinə daxildir.
Təkə (Təkə-Şıxı) - Quba qəzasında kənd, 5-ci Fəthibəy polis nahiyəsinin
Möhüç cəmiyyətinə daxil idi, talana məruz qalıb. Hazırda bu
kənd mövcud deyildir.
Tuğay (Tağay) - Quba qəzasında kənd, Dəvəçi polis nahiyəsinin eyniadlı
cəmiyyətinə daxil idi, talana məruz qalıb. Hazırda Siyəzən
rayonunun Yenikənd kənd inzibati-ərazi dairəsinə daxildir.
İnzibati-coğrafi adların göstəricisi