217
Sənəd № 115
Dindirmə protokolu
1918-ci il. 20 dekabr, Quba şəhəri.
Azərbaycan Hökuməti yanında Fövqəladə Təhqiqat Komis-
siyasının üzvü Novatskinin Cinayət Prosessual Məcəlləsinə uyğun olaraq
zərərçəkmiş qismində dindirdiyi aşağıda adı çəkilən şəxs göstərmişdir:
HəsənƏli-Hüseyn oğlu, 33 yaşlı, Quba qəzası Nügədi kəndinin
sakini, savadsız.
Quba şəhəri talan olunduqdan 15 gün sonra, axşamüstü
mən evdən çıxıb məscidə tərəf yollanarkən hay-küy və qışqırtı səsi
eşitdim. Mənə bir neçə adam qoşuldu. Biz qabağa getdik və öz
həmkəndlilərimizdən bir dəstə ilə rastlaşdıq, onları silahlı ermənilər
aparırdılar. Dəstənin önündə bizim həmkəndlimiz Rəhman gedirdi, o
bizi görəndə qışqırdı ki, qaçın. Biz qaçdıq. Arxamızca atəş açıldı. Mən
sağ qolumdan yaralandım. Elə bu vaxt qışqırtı səsləri gəldi ki, atışmanı
dayandırın. Ermənilər atışmanı saxladılar və dərhal bizim kənddən çıxıb
getdilər. Onlar nügədililəri öldürməmək əmri almışdılar. Bu əmri kim
vermişdi və bu ermənilər haradan gəlmişdilər, bilmirəm və onlardan
heç birinin adını çəkə bilmərəm. Aldığım yara isə mənə işləməyə mane
olur. Daha deməyə sözüm yoxdur.
Oxundu. İmza.
Tərcümə etdi: Ə.Xanbudaqov (imza)
Komissiyanın üzvü: A.Novatski (imza)
AR DA, f. 1061, s. 1, iş 98, v. 97
Sənəd № 119
Dindirmə protokolu
1918-ci il. 23 dekabr, Quba şəhəri.
Azərbaycan Hökuməti yanında Fövqəladə Təhqiqat Komissiyasının
üzvü Novatskinin Cinayət Prosessual Məcəlləsinə uyğun olaraq
zərərçəkmiş qismində dindirdiyi aşağıda adı çəkilən şəxs göstərmişdir:
Tac Muxtar oğlu, 58 yaşlı, Quba qəzası 5-ci Fəthibəy nahiyəsi
Amsar cəmiyyətinin starşinası, savadsız.
Mən Quba şəhərinin 3 verstliyində yerləşən Amsar və Əski İqrığ
kəndlərinin daxil olduğu Amsar cəmiyyətinin starşinasıyam. Quba
Quba qəzasının kəndlərinin talan edilməsi haqqında sənədlər
Quba qəzası kənd sakinlərinin şahid ifadələri